Θυμίαμα μάνναν
Σύντροφε βακχεχόροιο Διονύσου πολυγηθοῦς,
ὅς ναίεις πόντοιο βυθούς βαθυκύμονας ἁγνούς,
κικλήσκω σε, Παλαῖμον, ἐπ’ εὐϊέροις τελετῆσιν
ἐλθεῖν εὐμενέοντα, νέῳ γήθοντα προσώπῳ,
καί σώζειν μύστας κατά τε χθόνα καί κατά πόντον.
ποντοπλάνοις γάρ ἀεί νηυσίν χειμῶνος ἐναργής.
φαινομένου σωτήρ μοῦνος θνητοῖς ἀναφαίνῃ,
ῥυόμενος μῆνιν χαλεπήν κατά πόντιον οἶδμα.