Θυμίαμα λίβανον
Τιτῆνες, Γαίης τε καί Οὐρανοῦ ἀγλαά τέκνα,
ἡμετέρων πρόγονοι πατέρων, γαίης ὑπένερθεν
οἴκοις ταρταρίοισι μυχῷ χθονός ἐνναίοντες,
ἀρχαί καί πηγαί πάντων θνητῶν πολυμόχθων,
εἰναλίων, πτηνῶν τε καί οἵ χθόνα ναιετάουσιν·
ἐξ ὑμέων γάρ πᾶσα πέλει γενεή κατά κόσμον.
ὑμέας κικλήσκω μῆνιν χαλεπήν ἀποπέμπειν,
εἴ τις ἀπό χθονίων προγόνων οἴκοισι πελάσθη.