Θυμίαμα λίβανον
Κικλύσκω χθονός ἀενάου βασιλῆα μέγιστον,
Κύρβαντ’ ὀλβιόμοιρον, ἀρήϊον, ἀπροσόρατον,
νυκτερινόν Κούρητα, φόβων ἀποπαύστορα δεινῶν,
φαντασιῶν ἐπαρωγόν, ἐρημόπλανον Κορύβαντα.
αἰολόμορφον ἄνακτα, θεόν διφυῆ, πολύμορφον,
φοίνιον, αἰμαχθέντα κασιγνήτων ὑπό δισσῶν·
Δηοῦς ὅς γνώμησιν ἐνήλλαξας δέμας ἁγνόν,
θηρότυπον θέμενος μορφήν δνοφεροῖο δράκοντος·
κλῦθι, μάκαρ, φωνῶν, χαλεπήν δ’ ἀποπέμπεο μῆνιν,
παύων φαντασίας, ψυχῆς ἐκπλήκτου ἀνάγκης.