Θυμίαμα δαλούς
Νύκτα θεῶν γενέτειραν ἀείσομαι ἠδέ καί ἀνδρῶν.
[Νύξ γένεσις πάντων, ἥν καί Κύπριν καλέσωμεν]
κλῦθι μάκαιρα θεά, κυαναυγής, ἀστεροφεγγής·
ἡσυχίῃ χαίρουσα καί ἠρεμίῃ πολυύπνῳ·
εὐφροσύνη, τερπνή, φιλοπάννυχε, μῆτερ ὀνείρων·
ληθομέριμν’ ἀγαθήν τε πόνων ἀνάπαυσιν ἔχουσα·
ὑπνοδότειρα, φίλη πάντων, ἐλάσιππε, νυχαυγής·
ἡμιτελής, χθονίη, ἠδ’ οὐρανίη πάλιν αὐτή·
ἐγκυκλίη, παίκτηρα διώγμασιν ἠεροφοίτοις·
ἥ φάος ἐκπέμπεις ὑπό νέρτερα, καί πάλιν φεύγεις
εἰς Ἀϊδην. δεινή γάρ ἀνάγκη πάντα κρατύνει.
νῦν δε, μάκαιρ’ ὦ Νύξ, πολυόλβιε, πᾶσι ποθεινή,
εὐάντητε, κλύουσα λόγων ἱκετηρίδα φωνήν,
ἔλθοις εὐμενέουσα, φόβους δ’ ἀπόπεμπε νυχαυγεῖς.