Θυμίαμα ἀρώματα
Κλῦθι, θεά βασίλεια, φαεσφόρε, δῖα σελήνη.
ταυρόκερως Μήνη, νυκτιδρόμος, ἠεροφοῖτι,
ἐννυχίη, δαδοῦχε, κόρη εὐάστερε, Μήνη·
αὐξομένη καί λειπομένη, θῆλύς τε καί ἄρσην·
αὐγήτηρα, φίλιππε, χρόνου μῆτερ, φερέκαρπε·
ἠλεκτρίς, βαρύθυμε, καταυγάστειρα, λοχείη·
πανδερκής, φιλάγρυπνε, καλοῖς ἄστροισι βρύουσα,
ἡσυχίῃ χαίρουσα καί εὐφρόνῃ ὀλβιομοίρῳ·
λαμπετίη, χαριδῶτι, τελεσφόρε, νυκτός ἄγαλμα.
ἀστράρχη, τανύπεπλ΄, ἑλικοδρόμε, πάνσοφε κούρη,
ἐλθέ, μάκαιρ΄, εὔφρων, εὐάστερε, φέγγεϊ τῷ σῷ
λαμπομένη, σῴζουσα νέους ἱκέτας σέο κούρη.