Θυμίαμα ἀρώματα
Ὧραι, θυγατέρες Θέμιδος καί Ζηνός ἄνακτος,
Εὐνομίη τε, Δίκη τε, καί Εἰρήνη πολύολβε,
εἰαριναί, λειμωνιάδες, πολυάνθεμοι, ἁγναί,
παντόχροοι, πολύοδμοι ἐν ἀνθεμοειδέσι πνοιαῖς,
Ὧραι ἀειθαλέες, περικυκλάδες, ἡδυπρόσωποι·
πέπλους ἑννύμεναι δροσερούς ἀνθέων πολυθρέπτων,
<ἀγνής> Περσεφόνης συμπαίκτορες, εὖτέ ἑ Μοῖραι
καί Χάριτες κυκλίοισι χοροῖς πρός φῶς ἀνάγωσιν,
Ζηνί χαριζόμεναι καί μητέρι καρποδοτείρῃ,
ἔλθετ’ ἐπ’ εὐφήμους τελετάς ὁσίας νεομύστοις,
εὐκάρπους καιρῶν γενέσεις ἐπάγουσαι ἀμεμφῶς.