Θυμίαμα λίβανον
Ἄρρηκτ’, ὀμβριμόθυμε, μεγασθενές, ἄλκιμε δαῖμον,
ὁπλοχαρής, ἀδάμαστε, βροτοκτόνε, τειχεσιπλῆτα,
Ἆρες ἄναξ, ὁπλόδουπε, φόνοις πεπαλαγμένος αἰεί,
αἵματι τ’ ἀνδροφόνω χαίρων, πολεμόκλονε, φρικτέ,
ὅς ποθέεις ξίφεσίν τε καί ἔγχεσι δῆριν ἄμουσον·
στῆσον ἔριν λυσσῶσαν, ἄνες πόνον ἀλγεσίθυμον·
εἰς δέ πόθον νεῦσον Κύπριδος, κώμους τε Λυαίου,
άλλάξας ἀλκήν ὅπλων εἰς ἔργα τά Δηοῦς,
εἰρήνην ποθέων κουροτρόφον, ὀλβιοδῶτιν.